Alcoa Fjarðaál telur að forsenda þess að treysta hag hluthafa og hagsmunaaðila liggi í góðum stjórnarháttum þar sem hlutverk og ábyrgð stjórnenda eru skýr. Fyrirtækið leggur áherslu á opið og virkt samtal við nærsamfélagið. Stjórnendur eiga í reglulegum samskiptum við hagsmunaaðila og funda með þeim um sameiginleg hagsmunamál. Alcoa Fjarðaál og Samfélagssjóður Alcoa (Alcoa Foundation) veita fé til mikilvægra málefna með áherslu á verkefni sem tengjast áhrifasvæði álversins. Alcoa Fjarðaál hefur vaktað samfélagsvísa frá því rekstur álversins hófst.
Alcoa Fjarðaál hefur greint hagsmunaaðila félagsins með það fyrir augum að meta betur þarfir, áherslur og sameiginlega hagsmuni haghafa. Hagsmunaaðilar skiptast í beina hagsmunaaðila, nærumhverfi, samfélag og alþjóðaumhverfi.
Hagsmunaaðilagreining fyrirtækisins var gerð í samstarfi við ráðgjafa á vinnufundum með þverfaglegum hópum starfsmanna. Taldir voru upp hagsmunaaðilar og þeir skilgreindir eftir snertifleti og mikilvægi.
Alcoa Fjarðaál er stórt fyrirtæki í litlu samfélagi og því fylgir mikil ábyrgð. Fyrirtækið hefur ávallt lagt mikið upp úr góðum samskiptum við fjölbreytta hópa hagsmunaaðila með reglulegum fundum og samstarfi.
Mikilvægt er að sátt ríki um starfsemi fyrirtækisins í nærsamfélaginu. Því skiptir sköpum að rækta það samband á markvissan hátt með samtali og samstarfi. Virkt samtal við samfélagið er ein af meginstoðum í samfélagsstefnu Alcoa Fjarðaáls og árlega er mæld ánægja íbúa á Austurlandi með fyrirtækið. Í könnun sem Gallup framkvæmdi haustið 2023 reyndust 75,2% svarenda jákvæðir eða frekar jákvæðir í garð Alcoa Fjarðaáls sem er nokkur hækkun milli ára en árið 2022 voru 70,4% svarenda jákvæðir. Erfitt er að segja nákvæmlega til um hvað veldur þessari hækkun en markmið fyrirtækisins er að 75% íbúa eða fleiri séu jákvæðir í garð fyrirtækisins og það náðist því árið 2023.
Í sömu könnun voru íbúar á Austurlandi spurðir hvort þeir teldu álver Alcoa Fjarðaáls hafa haft jákvæð áhrif á búsetuskilyrði á Austurlandi en 89,5% svarenda töldu áhrifin vera frekar eða að öllu leyti jákvæð. Þá voru íbúar spurðir hvernig þeim þætti fyrirtækið standa sig í hinum ýmsu þáttum samfélagsábyrgðar. Íbúar á Austurlandi telja Alcoa Fjarðaál standa sig best þegar kemur að jafnréttismálum en 83,2% svarenda telja fyrirtækið standa sig vel eða mjög vel í þeim málum. Að mati svarenda stendur fyrirtækið sig síst í að eiga í opnum samskiptum við almenning þar sem 56,5% töldu Fjarðaál gera það vel eða mjög vel. Þar eru því tækifæri til úrbóta en þó ber að geta þess að í öllum spurningum voru vel yfir helmingur svarenda ánægðir með frammistöðu fyrirtækisins.
Árið 2023 vörðu Alcoa Fjarðaál og Samfélagssjóður Alcoa (Alcoa Foundation) samtals rúmum 59 milljónum króna í styrki til hinna ýmsu samfélagsverkefna, fyrst og fremst á Austurlandi. Samfélagstyrkir Alcoa Fjarðaáls voru rúmlega 35 milljónir árið 2023 og hækkuðu um 14 milljónir á milli ára. Styrkir úr Alcoa Foundation voru 24 milljónir króna árið 2023 og lækkuðu um þrjár milljónir á milli ára. Frá árinu 2003 hefur fyrirtækið varið samtals yfir tveimur milljörðum króna til samfélagsstyrkja af margvíslegu tagi. Ekki er veittur styrkur til einstaklinga, stjórnmálasamtaka, trúfélaga eða til almenns reksturs félaga. Í töflu 11 má sjá skiptingu styrkjanna árið 2023.
Að samfélagsábyrgð verið sett inn í kennsluskrá Stóriðjuskólans. Markmiðið er að efla þekkingu starfsmanna á samfélagsábyrgð og vekja áhuga þeirra á að vinna verkefni því tengdu í náminu.
Ekki lokið en verður klárað sem markmið undir mannauði á næsta ári.
Að lágmarki 75% íbúa á Mið-Austurlandi séu jákvæðir gagnvart Alcoa Fjarðaáli og að starfsánægja hjá Fjarðaáli haldist að lágmarki 4,22.
Markmiði náð að hálfu leyti. Ánægja íbúa er yfir 75% en starfsánægja lækkaði milli ára og náði ekki markmiðinu.
Opin ráðstefna um jafnrétti og vinnustaðamenningu verður haldin á Austurlandi.
Staðið, sjá Samfélagsviðburðir og sjálfboðavinna.
Heimsmarkmið Sameinuðu þjóðanna sem falla að starfsemi Fjarðaáls verði samþætt inn í samfélagsstefnu fyrirtækisins og kynnt helstu hagsmunaaðilum.
Staðið, Fjarðaál innleiddi samfélagsmarkmiðin í samfélagsskýrslu sinni í fyrra og uppfærði stefnuna í samfélagsmálum út frá því.
Haldinn verður fundur um loftslagsmál fyrir sveitastjórnarfólk á Austurlandi.
Staðið, sjá Hagsmunaaðilar
Bæta við spurningu varðandi samfélagsábyrgð Fjarðaáls í árlegri skoðanakönnun fyrir almenning.
Staðið, sjá Hagsmunaaðilar
Halda opinn íbúafund árið 2020 til að efla samskiptin við íbúa á svæðinu.
Markmið stóðst ekki, frestað vegna COVID-19.
Hefja samstarf við fræðslufulltrúa nærliggjandi sveitarfélaga um verkefni sem stuðlar að bættri sjálfsmynd unglinga.
Stóðst. Efnt til verkefnis í samstarfi við fræðslufulltrúa Fjarðabyggðar og Múlaþings fyrir tilstuðlan styrks frá Samfélagssjóði Alcoa (Alcoa Foundation).
Efla stuðning við Austurbrú um uppbyggingu Háskólaseturs á Austurlandi.
Stóðst. Fjarðaál á fulltrúa í undirbúningshópi um uppbyggingu Háskólaseturs og unnið er í því að færa styrk sem fyrst fór til Háskólans á Akureyri yfir til Austurbrúar.
Efla tengsl við íbúa á svæðinu með opnum íbúafundi
Stóðst ekki þar sem ekki var unnt að halda opinn fund vegna COVID-19.
Halda fund með sveitastjórnarfólki á Austurlandi
Stóðst ekki þar sem ekki var unnt að halda slíkan fund vegna COVID-19.
Styðja við stofnun náttúruskóla fyrir börn á Austurlandi
Stóðst ekki þar sem verkefni reyndist ekki styrkhæft samkvæmt reglum Alcoa Foundation. Í staðinn voru veittir auknir fjármunir til Austurbrúar til að styðja við uppbyggingu háskólanáms á Austurlandi.
Halda 19. júní skemmtun til að fagna kosningarrétti kvenna
Markmið stóðst.
Halda ráðstefnu á Austurlandi fyrir stjórnendur fyrirtækja og stofnana
Markmið stóðst ekki og var ákveðið að fresta þessu verkefni um ár.
Skipuleggja veisluhöld í tilefni af 15 ára afmælis Fjarðaáls
Markmið stóðst.
Auglýsa á ný eftir umsóknum um menningar- og samfélagsstyrki á Austurlandi
Fjarðaál auglýsti eftir umsóknum og úthlutaði rúmlega tólf og hálfri milljón í menningar- og samfélagsstyrki árið 2023.
Bjóða upp á sameiginlegan fund með sveitarstjórnar fólki á Austurlandi
Markmiðið náðist ekki vegna breytinga í stjórnendateymi álversins árið 2023 en markmiðið flyst yfir á nýtt ár.
Halda ráðstefnu á Austurlandi fyrir stjórnendur fyrirtækja og stofnana.
Markmiðið náðist ekki af sömu ástæðum og ofangreint markmið.
Samfélagskaflann má finna á bls. 37 – 44.
